छायांकन सेटमै पुगेर छोरालाई निर्देशन सिकाउँदै माग्ने बुढा

२७ चैत्र २०८०, मंगलवार २२:२७

काठमाडौं । बाबुको बिंडो थाम्दै आशिष घिमिरे यतिबेला टेलिसिरियल ‘रिटायर हल्दार’को दोस्रो सिजन निर्देशन गर्दैछन् । उनी प्रसिद्ध हास्य कलाकार केदार घिमिरे ‘माग्ने बुढा’का छोरा समेत हुन् ।

आशिषको निर्देशनमा सिरियलको आठ एपिसोड छायांकन सकिएको छ । रोचक के छ भने छोरालाई सघाउन माग्ने बुढा चार एपिसोडसम्म पाँचखालको सुटिङ सेटमै उपस्थित भए । छोरालाई निर्देशन कला सिकाउँदै माग्ने बुढाले मोटिभेसन पनि दिलाए ।

‘यो मेरो छोराको पहिलो पाइला हो । तिमीले जिरोदेखि धेरै कुरा सिक्नुपर्छ । संघर्ष गर्नुपर्छ,’ सुटिङ सेटमा माग्ने बुढाले भनेका छन्, ‘सजिलो छैन तर तिमी बलियो हुनुपर्छ । हार मान्नुहुन्न ।’ छोराको लागि बाबुले भनेका यी शब्द प्रेरणादायी र मार्मिक पनि अवश्य सुनिन्छ ।

यतिबेला यो सिरियलको सम्पादनको काम समन अधिकारीको रेस्क्यु क्रिएसनमा भइरहेको छ । ‘माग्ने बुढाले छोरालाई फिल्डमै उत्रिएर सपोर्ट गर्नुभयो । छोराप्रति उहाँको चिन्ता देखिन्छ,’ अधिकारीले भने ।

निर्मल शर्मा, श्रीप्रसाद थापा, प्रिया रिजाल, रश्मी भट्ट, रेश्मा केसी, केशव सापकोटा, विशाल पहारी, निश्चल घिमिरे लगायतको अभिनय रहेको यो सिरियल वैशाख ३ गतेदेखि नेपाल टेलिभिजनमा सोमबार साढे ७ बजे, मी टिभीमा सोही दिन ८ बजे प्रसारण र माउण्ट एभरेस्ट डिजिटल युट्युब च्यानलमा स्ट्रिमिङ हुने जनाइएको छ ।

दोस्रो सिजन ५१ एपिसोडको हुने समनले जानकारी दिए । उनको पोस्ट–प्रोडक्सन कम्पनी रेस्क्यु क्रिएसनले पाँच सिरियलमा काम गरिरहेको छ भने म्युजिक भिडियो निरन्तर भइरहेको छ । एक सिरियल र टिभी शो चाँडै ल्याउने समनले जनाए । २०८१ सालको अन्त्यतिर सोसियो कमेडी फिल्म निर्देशन गर्ने उनको तयारी छ ।

छायांकन सेटमै पुगेर छोरालाई निर्देशन सिकाउँदै माग्ने बुढा

ताजा अप्डेटेटेट

हजारौं नाबालिगहरुलाई यौन शोषण, हत्या र हत्या पश्चात मानवभक्षण सम्मको क्रुरता गरिएको प्रमाण एपस्टीन फाईल के हो त ?

प्रजातन्त्रको आन्दोलनदेखि भ्रष्टाचार निर्मूलको आन्दोलनसम्म, यो देशले अझै कति शहिदको बलिदान माग्ने हो?

सङ्खुवासभाका प्रख्यात उद्यमी मिङ्मा शेर्पा रास्वपाबाट चुनाव लड्ने तयारीमा

सलाका कृषि लिमिटेडको प्रथम वार्षिक साधारण सभा सम्पन्न