विश्व कीर्तिमानी छिरिङ शेर्पाले विश्वका १४ वटै अग्ला हिमाल आरोहण पूरा गरे

काठमाडौं, (अक्टोबर 14, 2025)

विश्व कीर्तिमानी IFMGA/UIAGM र NNMGA गाइड छिरिङ शेर्पाले सोमबार बिहान चोयु हिमाल आरोहण गर्दै विश्वका ८,००० मिटरभन्दा माथिका १४ वटै अग्ला हिमालहरू आरोहण पूरा गरेका छन्।

छिरिङले विश्वकै छैठौँ अग्लो हिमाल चोयु (८,१८८ मिटर) को शिखर सोमबार बिहान चीनको समय अनुसार ७:४५ बजे स्पर्श गरेका हुन्। यस आरोहणसँगै उनले विश्वका सीमित पर्वतारोहीले मात्र हासिल गर्न सकेको ऐतिहासिक उपलब्धि प्राप्त गरेका छन्। यो उपलब्धिको जानकारी उनले सामाजिक सञ्जालमार्फत साझा गरेका छन्।

छिरिङ शेर्पा हाल Expedition Base.com का प्रबन्ध निर्देशक तथा अभियान नेतृत्वकर्ता (Expedition Leader) हुन्।

नेपालको मकालु क्षेत्रका स्थायी बासिन्दा उनीले सन् २०१६ मा अन्तर्राष्ट्रिय पर्वत गाइड (International Mountain Guide) प्रमाणपत्र प्राप्त गरेका थिए, जसले उनलाई विश्वभर व्यावसायिक रूपमा पर्वतारोहण गाइड गर्न अनुमति दिन्छ।

बहुमुखी र कुशल आरोहीका रूपमा चिनिएका छिरिङले सन् २०२३ मा पाकिस्तानको K2 हिमालमा मात्र १२ घण्टा २० मिनेटमा आरोहण गर्दै विश्व कीर्तिमान बनाएका थिए। त्यही वर्ष उनले २४ दिनभित्र पाकिस्तानका चारवटा ८,००० मिटरभन्दा माथिका हिमालहरू पनि सफलतापूर्वक आरोहण गरेका थिए।

छिरिङले पहिलो पटक सन् २०१४ मा K2 हिमाल आरोहण गरेर नेपालका सबैभन्दा कान्छा आरोहीमध्ये एक बनेका थिए। पर्वतारोहणका साथै उनले Alex Lowe Charitable Foundationको Khumbu Climbing Center मा प्रमुख प्रशिक्षकका रूपमा कार्य गर्दै आएका छन्। साथै, उनले नेपाल माउण्टेनियरिङ इन्स्ट्रक्टर एशोसिएसन (NMIA) र न्यूजिल्यान्डमा पर्वतारोहण तालिमहरू पनि प्रदान गरेका छन्।

उनको अन्तर्राष्ट्रिय अनुभवमा अष्ट्रेलियाको रकिज पर्वत (Rock

y Mountains) मा गाइडिङ पनि समावेश छ। त्यस्तै, उनले सन् २०१४ मा राष्ट्रिय खुला क्लाइम्बिङ प्रतियोगितामा पहिलो स्थान र राष्ट्रिय स्पीड क्लाइम्बिङ प्रतियोगितामा दोस्रो स्थान समेत हासिल गरेका थिए।

व्यावसायिकता, समर्पण र ईमानदारीका कारण छिरिङ शेर्पालाई नेपालका सबैभन्दा दक्ष, जिम्मेवार र सम्मानित पर्वत गाइडहरू मध्ये एकका रूपमा मानिन्छ।

प्रमुख आरोहणहरू

• माउन्ट एभरेस्ट (८,८४८ मि, नेपालतर्फ) – ३ पटक (२०१२, २०१६, २०२२)

• K2 (८,६११ मि) – ३ पटक (२०१४, २०२२, २०२३; १२ घण्टा २० मिनेटमा स्पीड आरोहण, २०२३)

• कञ्चनजङ्घा (८,५८६ मि) – २ पटक (२०१८, २०२२)

• ल्होत्से (८,५१६ मि) – १ पटक (२०१३)

• मकालु (८,४६३ मि) – १ पटक (२०१९)

• चोयु (८,१८८ मि) – १ पटक (२०१४; २०२५ मा १४ वटै हिमाल पूरा)

• धौलागिरी (८,१६७ मि) – १ पटक (२०२२)

• अन्नपूर्ण I (८,०९१ मि) – १ पटक (२०२१)

• नङ्गा पर्वत (८,१२६ मि) – १ पटक (२०२३)

• ग्यासरब्रुम I (८,०८० मि) – १ पटक (२०२३)

• ग्यासरब्रुम II (८,०३५ मि) – १ पटक (२०२३)

• ब्रड पिक (८,०५१ मि) – १ पटक (२०२३)

• आमादब्लम (६,८१२ मि) – ७ पटक

• माउन्ट कुक/आओराकी (३,७२४ मि, न्यूजिल्यान्ड) – २ पटक (२०१७)

• माउन्ट एस्पायरिङ (३,०३३ मि, न्यूजिल्यान्ड) – ४ पटक